Ffurfiwyd ein Cerddorfa Ysgolion Uwchradd ym 1975 a dyma’r ensemble oedran ysgol uwchradd mwyaf yn y gwasanaeth cerdd.
Mae’r gerddorfa wedi teithio UDA , Malta a’r rhan fwyaf o wledydd eraill Gorllewin Ewrop. Mae’n perfformio mewn lleoliadau mawreddog ar draws Caerdydd ac mae hefyd wedi perfformio mewn lleoliadau Music For Youth, fel y Royal Albert Hall.
Mae’r gerddorfa’n chwarae ystod eang o repertoire, o ffilmiau mawr Hollywood a sgorau gêm gyfrifiadurol i goncerti a symffonïau. Bob blwyddyn, mae’r gerddorfa yn dewis cyfansoddiad TGAU neu Lefel A disgybl i’w berfformio mewn cyngerdd.
Ar hyn o bryd mae gan y gerddorfa bron i 100 o aelodau ac mae’n ymarfer bob bore Sadwrn yn ystod y tymor yn Ysgol Uwchradd yr Eglwys Newydd. Yn fwy na dim, mae’r gerddorfa yn ffynnu ar ei phoblogrwydd am fod yn heriol ond yn hwyl!
Mae Cerddorfa’r Ysgolion Uwchradd yn ymarfer yn Ysgol Uwchradd Caerdydd bob dydd Sadwrn o 10am – 12pm yn ystod y tymor.
Mae 32 o ymarferion y flwyddyn a 2 gyngerdd.
Bywgraffiad yr Arweinydd
Charles Maynard yw arweinydd Cerddorfa Ysgolion Uwchradd. Yn wreiddiol o Fanceinion, dyfarnwyd ysgoloriaeth iddo yn y chweched dosbarth i astudio trombone yn y Royal Northern College of Music, a ddilynwyd gan gwrs graddedig mewn cyfansoddi yng Ngholeg Brenhinol Cerdd a Drama Cymru, yna blwyddyn ôl-raddedig yn yr Academi Gerdd Frenhinol. Astudiodd Charles arwain gyda Malcolm Binney a Syr Simon Rattle yn ogystal â chyfansoddi ôl-raddedig gyda Dr Paul Patterson a Syr Michael Tippett.
Mae Charles wedi gweithio i’r gwasanaeth cerdd ers 1992 ac mae bellach yn Bennaeth Pres ac yn diwtor arweiniol creadigol. Mae wedi bod yn arweinydd Cerddorfa Ysgolion Uwchradd er 1994.