Band Chwyth Canolradd yn ymarfer yn wythnosol, yn ystod y tymor, yn Ysgol Uwchradd Caerdydd. Mae ymarferion wythnosol yn para 2 awr, o 5.30yh tan 7.30yh ar nos Lun. Ensemble bach yw’r band sy’n ymroddedig i ddatblygu technegau ensemble ar gyfer disgyblion pres, chwythbrennau ac offerynnau taro o radd 2 i fyny. Ceir mynediad i’r ensemble trwy glyweliad a rhaid i ddisgyblion blwyddyn 6 ac uwch fod â Gradd 2 neu uwch (neu’r safon gyfatebol).
Mae Band Chwythbren y Sefydliad yn ymarfer yn wythnosol, yn ystod y tymor, yn Ysgol Uwchradd Caerdydd. Mae ymarferion wythnosol yn para 1 awr, o 6:15 i 7:15yh ar nos Fawrth. Mae mynediad i’r ensemble ar agor i bob chwaraewr chwythbren lefel dechreuwyr.
Mae disgyblion yn chwarae cerddoriaeth o wahanol genres a ysgrifennwyd yn benodol ar gyfer bandiau chwyth, sy’n rhoi profiad gwahanol iddynt i gerddorfa fwy. Yn ystod y flwyddyn academaidd, bydd y band chwyth fel arfer yn perfformio mewn tri chyngerdd.
Cefnogir pob adran o chwaraewyr gan aelod o staff arbenigol sy’n gallu cynghori a chefnogi disgyblion yn ystod ymarferion. Mae’r tiwtoriaid hyn yn staff addysgu cymwysedig a thiwtoriaid o CF Music Education sydd â phrofiad sylweddol o weithio gyda disgyblion o bob oed a safon.
| Grŵp | Tymor | Dyddiau Dechrau | Dyddiau Gorffen |
| Band Chwyth Canolradd (Dydd Llun) | Tymor 1 – Yr Hydref | 14 Medi 2026 | 23 Tachwedd 2026 |
| Tymor 2 – Yr Gwanwyn | 4 Ionawr 2027 | 8 Mawrth 2027 | |
| Tymor 3 – Yr Haf | 5 Ebrill 2027 | 5 Gorfennaf 2027 | |
| Band Chwyth Sylfaenol (Dydd Mawrth) | Tymor 1 – Yr Hydref | 15 Medi 2026 | 24 Tachwedd 2026 |
| Tymor 2 – Yr Gwanwyn | 5 Ionawr 2027 | 9 Mawrth 2027 | |
| Tymor 3 – Yr Haf | 6 Ebrill 2027 | 29 Mehefin 2027 |
Bywgraffiad yr Arweinydd
Astudiodd Kat y clarinet ym Mhrifysgol Cymru Bangor cyn symud i Gaerdydd i astudio am radd meistr yng Ngholeg Brenhinol Cerdd a Drama Cymru gyda Robert Plane.
Kat yw’r arweinydd creadigol ar gyfer chwythbrennau ar gyfer Addysg Gerddoriaeth CF, gan weithio gyda disgyblion neu bob oed a gallu ym mhob offeryn chwythbrennau. Yn ogystal â chwythbrennau, mae Kat hefyd yn dysgu soddgrwth, yn arwain Ensemble Cychwynwyr Addysg Cerddoriaeth CF ac yn diwtor gyda Cherddorfa Sefydliad Addysg Cerddoriaeth CF.
Mae Kat yn chwarae sacsoffon mewn band soul yng Nghaerdydd ac yn mwynhau chwarae chwythbrennau ar gyfer sioeau pan fydd ganddi amser.Mae Kat yn siarad Cymraeg ac mae hefyd yn gweithio gyda disgyblion blynyddoedd cynnar ac mae ganddi ddiddordeb penodol mewn ADY a datblygiad plant, yn benodol trwy gerddoriaeth.